BM 091140 (Nabonidus 24, ex. 01) [Nabonidus][via ribo/sources]
| Obverse | |
| Column i | |
| i 1i 1 | dna-bi-um-na-ʾi-id LUGAL KÁ.DINGIR.RA.KI eṭ-⸢lam ki-num ša a-na ṭè-me DINGIR.MEŠ pu-ú-qu⸣ |
| i 22 | aš-ri ka-an-šu pa-li-iḫ DINGIR.MEŠ GAL.MEŠ |
| i 33 | NUN e-em-qá ḫa-sis mim-ma šum-šu ÉNSI ṣi-i-ri mu-ud-di-iš kal ma-ḫa-zu |
| i 44 | ma-al-ku it-pe-šu mu-šak-<<li>>-lil eš-re-e-ti mu-ṭaḫ-ḫi-id sat-tuk-ku |
| i 55 | SIPA ni-šì DAGAL.MEŠ ra-ʾi-im mi-ša-ri mu-kin kit-ti |
| i 66 | lu-li-mu šu-pu-ú e-tel-lu LUGAL.MEŠ bi-nu-tu qá-at šá dAG u dAMAR.UTU |
| i 77 | mu-uṣ-ṣir ú-ṣu-ra-a-ti É.MEŠ DINGIR.MEŠ mu-šar-šid giš-ḫur-ri |
| i 88 | na-áš-pa-ri ḫa-an-ṭu ša DINGIR.MEŠ GAL.MEŠ mu-šal-lim kal šip-ri mu-ṭi-ib lìb-bi-šú-un |
| i 99 | DUMU mdAG-TIN-su-iq-bi GÌR*.NÍTA (text: ḪÉ.NÍTA) qit-ru-du pa-li-iḫ DINGIR.DINGIR u d15 a-na-ku |
| i 1010 | a-na dUTU* (text: E) EN AN.TA.MEŠ ù KI.TA.MEŠ DI.KU₅.GAL AN-e u KI-tim |
| i 1111 | da-a-a-nu ṣi-i-ri šá DINGIR.MEŠ GAL.⸢MEŠ⸣ pa-ri-is pu-ri-se-e |
| i 1212 | ḫa-ʾi-iṭ lìb-ba UN.MEŠ ba-ru-ú te-⸢re⸣-e-ti ra-ʾi-im LUGAL-ú-ti-ia |
| i 1313 | na-ṣir na-piš-ti-ia ka-šid a-a-bi-ia mu-ḫal-liq za-ʾi-i-ri-ia |
| i 1414 | a-ši-ib é-babbar-ra ša qé-reb ZIMBIR.KI EN GAL EN-ia ina mi-gir lìb-bi-ía ki-nim |
| i 1515 | pal-ḫi-iš uš-te-mi-iq-ma áš-ra-a-ti DINGIR-ú-ti-šú GAL-ti áš-te-ʾe-e-ma |
| i 1616 | é-babbar-ra É-su ša qé-reb ZIMBIR.KI at-ma-nu ṣi-i-ri si-mat DINGIR-ú-ti-šú |
| i 1717 | ki-iṣ-ṣi el-lu šu-bat tap-šu-uḫ-ti mu-šab be-lu-ti-šú |
| i 1818 | ša u₄-mi ma-aʾ-du-tu ub-bu-tu te-me-en-šú su-uḫ-ḫa-a ú (over erasure) ṣu-ra-tu-šú |
| i 1919 | LUGAL ma-aḫ-ri te-me-en la-bi-ri ú-ba-ʾi-i-ma la i-mu-ru |
| i 2020 | i-na ra-man-ni-šú É eš-šú a-na dUTU ú-še-piš-ma la šu-pu-šu a-na be-lu-ti-šú |
| i 2121 | la šu-lu-ku a-na si-ma-at DINGIR-ú-ti-šú |
| i 2222 | i-na la a-dan-ni-šú ša É šu-a-ti re-ša-a-šu iq-du-du ut-tab-bi-ka mé-la-šú |
| i 2323 | ia-a-ti ap-pa-lis-su-ma ma-aʾ-diš ap-làḫ-ma ni-qit-ti ar*-ši |
| i 2424 | a-na šu-ur-šu-du te-me-en ú-ṣu-ra-at É-šu šu-ul-lu-mu |
| i 2525 | pa-pa-ḫu ù DU₆.MEŠ a-na si-mat DINGIR-ú-ti-šú e-pe-ša |
| i 2626 | u₄-mi-šam-ma ut-nen-šum-ma a-na ša-at-ti ni-qa-a aq-qí-šum-ma EŠ.BAR-a ap-ru-us-su |
| i 2727 | dUTU EN ṣi-ri ul-tu UD.ME ru-qu-tu ia-a-ši ú-qa-wa₆-an-ni |
| i 2828 | an-na šá-lim-ti EŠ.BAR-a ki-nim ša ša-la-mu šip-ri-ía u kun-nu eš-re-e-ti |
| i 2929 | dUTU ù dIŠKUR ú-šá-áš-ki-nu i-na te-er-ti-ia |
| i 3030 | a-na EŠ.BAR-šu-nu ki-nim šá la in-<nen>-nu-ú ma-gal at-kal-ma (over erasure) ti dUTU EN-ia aṣ-bat-ma |
| i 3131 | i-na É UD.1.KAM šá-na-at ú-še-šib-šú im-nu u šu-me-lu pa-ni u ár-ku ša pa-pa-ḫu u lìb-bi DU₆.MEŠ |
| i 3232 | ḫi-iṭ-ṭa-tú aṭ-ṭu-uṭ-ma ú-pa-aḫ-ḫi-ir-ma* (text: ŠU) ši-bu-ut URU DUMU.MEŠ TIN.TIR.KI DUB.SAR mi-na-a-ti |
| i 3333 | en-qu-ú-tu a-ši-ib É mu-um-mu na-ṣir pi-riš-ti DINGIR.MEŠ GAL.MEŠ mu-kin GARZA LUGAL-ú-tu |
| i 3434 | a-na mi-it-lu-uk-ti áš-pur-šu-nu-ti-ma ki-a-am az-kur-šu-nu-ti um-ma te-me-en la-bi-ri ši-te-<ʾe>-ma |
| i 3535 | pa-pa-ḫu dUTU da-a-a-nu na-pa-li-sa-ma É da-rí-a a-na dUTU u da-a EN.MEŠ-a lu*-pu-uš |
| i 3636 | ina te-me₅-qu dUTU EN-ia ina su-pe-e-šu šá DINGIR GAL.GAL UKKIN DUMU.MEŠ UM.ME.A te-me-en la-bi-ri |
| i 3737 | ip-pal-su-ma pa-pa-ḫi u DU₆.MEŠ i-ḫi-ṭu-ma za-mar* i-tu-ru-nim ia-a-ti iq-bu-nu |
| i 3838 | ap-pa-lis-ma te-me-en la-bi-ri šá na-ram-d30 LUGAL ul-lu pa-pa-ḫi dUTU ka-a-a-nu mu-šab DINGIR-ú-ti-šú |
| i 3939 | lìb-bi iḫ-de-e-ma im-me-ri pa-nu-ú-a pa-pa-ḫi be-lu-ti-šú* u DU₆.MEŠ ú-ṣa-ab-bi-ma |
| i 4040 | ina ḫi-da-a-ti u ri-šá-a-ti UGU te-me-en la-bi-ri ad-da uš-šu-ša |
| Column ii | |
| ii 1ii 1 | i-šid-su ú-dan-nin-ma* (text: ŠU) ki-ma KUR-i zaq-ru ul-la-a re-šá-a-šú é-babbar-ra É-su* (text: ŠU) šá šu-pu-šu |
| ii 22 | a-na be-lu-ti-<šú> šu-lu-ku a-na si*-mat <DINGIR-ú>-ti-šú a-na dUTU EN-ía eš-ši-iš ú-še-piš-ma |
| ii 33 | ki-ma šu-ú u₄-mi-<iš> ú-nam-mir*-šú 1 LIM 50 GIŠ.EREN pa-ag*-lu-tú la mi-nu GIŠ.Ù.SUḪ₅* (text: ŠU) ši-ḫu-⸢ti⸣ |
| ii 44 | GIŠ.šur-i-ni iṣ-ṣi dam-qu-tu GIŠ.MES.<MÁ>.KAN.NA iṣ-ṣi da-rí-a ana ši-i-pu GIŠ.tal-lu |
| ii 55 | GIŠ.GAN.DU₇ giš-šà-ká*-na-ku u ṣu-lul-tu₄ É ú-šat-<mi>-iḫ*-ma* (text: ŠU) ki-ma GIŠ.TIR* (text: LI) ḪA.ŠUR i-ri-is-su uš-ṭi-ib |
| ii 66 | GIŠ.IG.MEŠ GIŠ.EREN.MEŠ MAḪ.MEŠ NU.KÚŠ.Ù URUDU dan-nu-tu me-de-lu šu-pu-tu e-ma KÁ*.MEŠ-šú ú-rat-ti-ma |
| ii 77 | ki-ma né-re-bi kin-né-e ú-dan-nin ri-kis É pa-pa-ḫi be-lu-ti-šú <a-na> mu-ša-bu DINGIR-ú-ti-šú |
| ii 88 | ša-lum-ma-at ú-šal-biš ú-nu-tu É ina KÙ.BABBAR u KÙ.GI ú-za-ʾi-in-ma |
| ii 99 | a-na tab-rat-<<a-ti>> ni-šì la-la-a uš-ma-al-<la-a> ši-ṭir šu-mi-ia u ṣa-lam LUGAL-ú-ti-ia |
| ii 1010 | DA.RÍ.A ú-kin qé-reb-šú maš* (text: PA) ta-ku la-le-šú pa-pa-ḫi.MEŠ ù DU₆.MEŠ ina ši-ip-ri |
| ii 1111 | dkulla ud-di-iš-ma zi-i-me nam-ru-tu ú-šá-áš-ši-ma šu-bat DI.KU₅.GAL DINGIR.DINGIR da-ri-ti |
| ii 1212 | ú-kin qé-reb-šú a-na dUTU u da-a EN-ú-a É ta* (text: DA) na-da-a-tú ú-še-piš |
| ii 1313 | sip-pu ši-ga-ri me-de-lu u <GIŠ>.IG.MEŠ ì-gu-la-a ú-ṭaḫ-ḫi-id-ma ana né-re-bi DINGIR-ú-ti-šu-nu |
| ii 1414 | ṣi-ir-ti si-mat É ú-mál-la-a i-ri-šu ṭa-a-bi É a-na e-re-bi dUTU EN-ia |
| ii 1515 | šu-pal-ka-a KÁ*.MEŠ-šu ma-li ri-ša-a-ti dUTU EN ṣi-i-ri ana é-babbar-ra šu-bat |
| ii 1616 | <<šu-bat>> tap-šu-uḫ-⸢ti-ka⸣ ina e-re-bi-ka KÁ.MEŠ né-re-bi.MEŠ pa-pa-ḫi u DU₆.MEŠ |
| ii 1717 | liḫ-du-ú pa-nu-uk-ku ki-ma a-a-ri li-ri-šu-ku ina pa-pa-ḫi be-lu-ti-ka |
| ii 1818 | šu-bat da-a-a-nu-ti-ka ina a-šá-bi-ku DINGIR.MEŠ URU-ka u É-ka li-šap-ši-ḫu |
| ii 1919 | kab-ta-at-ka DINGIR.MEŠ GAL.MEŠ lìb-ba-ka li-ṭi-ib-bi da-a É*.GI₄.A (text: KAL.GI₄.A) GAL-ti |
| ii 2020 | a-ši-bat é-ki-nú ka-a-a-nam-ma pa-nu-ka liš-nam-mir u₄-mi-šam da-mi-<iq>-ta-a liq* (text: IB) bi-⸢ku⸣ |
| ii 2121 | i-na bu-ni-ka nam-ru-tu ḫi-du-tu pa-ni-ka li-pit qá-ti-ía šu-qu-ru |
| ii 2222 | e-ep-še-tu-ú-a dam-qa-a-ta ši-ṭir šu-mi-ia u ṣa-lam LUGAL-ú-ti-ia |
| ii 2323 | ḫa-di-iš na-ap-<li>-sa-a-ma SIG₅.MEŠ-ú-a liš-šá-kin šap-tuk-ku i-bi šu-mi ana du-ru UD.MEŠ |
| ii 2424 | É e-pu-uš-šu lu-bi-ir ina qé-re-bi-šu li-ku-un šu-bat-ka |
| ii 2525 | DINGIR É ú-ṣu-rat É tal-lu GIŠ.GAN.DU₇ giš-šà-ká*-na-ku sip-pu ši-ga-ri KUN₄ É.ME* (text: BAR) u GIŠ.IG.MEŠ |
| ii 2626 | ki-ib-su li-iṣ-ṣi-ru liš-te-ši-ru tal-la-ak-ka |
| ii 2727 | i-na maḫ-ri-ka li-ša-qí-ri e-ep-še-tu-ú-a |
| ii 2828 | ur-ra ù mu-šu lit-taz*-ka-ar dum-qu-ú-a |
| ii 2929 | dkit-tum dmi-šá-ri ù dda-a-a-nu DINGIR.MEŠ a-šib ⸢maḫ⸣-ri-ka |
| ii 3030 | ina qí-bi-ti-ka ṣi-ir-ti šá la ut-tak-ka-ri ina a-mat <DINGIR>-ti-ka GAL-ti |
| ii 3131 | ša <la> uš-te-pe-lu KASKAL šul-lum u meš-re-e ur-ru-uḫ kit-ti <<U>> ù mi-ša-ri |
| ii 3232 | li-šá-áš-ki-na a-na še-pi-ia suk-kal-la-ku MAḪ mu-uz-zi-iz maḫ-ri-ku |
| ii 3333 | dbu-ne-ne šá mi-lik-šu dam-qa ra-kib GIŠ.GIGIR a-šib (over erasure) sa-as-si šá la im-maḫ-<ḫa>-ri |
| ii 3434 | qa-bal-šu ṣa-mi-id pa-re-e qar-du-tu ša la in-na-ḫu bir-ka-šu-<un> |
| ii 3535 | ina a-la* (text: KA) ku u ta-a-ri ša i-ša-ad-<di>-ḫu a-na maḫ-ri-ka |
| ii 3636 | ina su-ú-qu u su-la-aʾ li-da-am-mi-qu e-ger-ra-a-a |
| ii 3737 | a-ra-ku UD.ME LUGAL-ú-ti-ia lim-ta-al-lik-<ka> ka-a-šu |
| ii 3838 | i-na ši-ip-ri-ka šu-qu-ru lil-lik-ki re-ṣu-ú-tu |
| ii 3939 | me-lam-mu bir-bir-ru-ka zi-i-me be-lu-tu šá-lum-ma-at LUGAL-ú-tu |
| ii 4040 | a-na ša-la-la KUR LÚ.KÚR-ia šu-lik-ki i-da-a-a lu-ur-ḫi-iṣ KUR a-a-bi-ia |
| ii 4141 | lu-nar za-ʾi-ri-ia šil-lat na-ki-ri-ia lu-ku* (text: ŠU) ul bu-še-e ma-ti-tan |
| ii 4242 | lu-še-ri-bi a-na qé-reb ma-ti-ia a-na-ku lu-ú LUGAL za-ni-in |
| ii 4343 | mu-diš ma-ḫa-zu mu-šak-lil eš-re-e-ti a-na UD.MEŠ da-ru-tu |
| ii 4444 | a-na zi-kir šu-mi-ia kab-tu kul-lat na-ki-ri lit-tar-ri li-nu-šu |
| ii 4545 | lik-ni-šu a-na še-e-pi-ia a-na UD.ME ṣa-a-ti liš-du-du ni-i-ri |
| ii 4646 | bi-lat-su-nu ka-bit-ti a-na qé-reb URU-ia TIN.TIR.KI li-bil-<lu>-nu ana maḫ-ri-ía |
| ii 4747 | ina qé-reb TIN.TIR.KI li-kun šu-ub-ti ina su-le-e-šu a-tál-lu-ku lu-uš-bu |
| ii 4848 | i-na é-sag-íl u é-zi-da šá a-ram-mu lu-lab-bi-ir man-za-za |
| ii 4949 | i-na maḫ-ri be-lum dna-bi-um u dNÈ.ERI₁₁.GAL |
| ii 5050 | DINGIR.MEŠ-e-a u DINGIR.MEŠ si-ḫi-ir-<ti> á-ki-it šá dEN.LÍL DINGIR.MEŠ dŠÚ |
| ii 5151 | a-na ni-qí-i ma-aṣ-ḫa-ti pa-qa-du é-da-di-ḫé-gál ù ut-nen-ni EN EN.⸢EN⸣ |
| ii 5252 | lu-ú sa-ad-ra-ak tal-lak-ti a-na da-rí-a-ti |