AO 06444 (Nabonidus 19, ex. 01) [Nabonidus][via ribo/sources]
| Obverse | |
| Column i | |
| i 1i 1 | ì-nu-um dAMAR.UTU dEN.LÍL DINGIR.MEŠ ša-qu-ú EN gi-im-ra |
| i 22 | ú-ša-pu-ú ma-al-ku a-na e-pé-eš e-nu-tim |
| i 33 | dna-bi-um-na-ʾi-id šar-ri <a-na> za-ni-nu-tim im-bu-ù |
| i 44 | ú-ul-lu-ú re-e-ši-šu e-li ka-li-šu-nu LUGAL.MEŠ |
| i 55 | qí-bi-tu-uš-šu DINGIR.DINGIR GAL.GAL iḫ-du-ú a-na šar-ru-ti-šu |
| i 66 | da-num <ù> dEN.LÍL GIŠ.GU.ZA a-gu-ú GIŠ.NÍG.GIDRU ù ši-bir-ri |
| i 77 | pa-ra-aṣ šar-ru-tim a-na du-ur u₄-mu i-qí-šu-šum |
| i 88 | dé-a ba-an ka-la-mu né-me-qí ú-šá-ag-mi-ir-šu |
| i 99 | dbe-let-ì-lí ba-na-at gi-im-ra ú-šá-ak-li-lu bu-na-an-né-e-šu |
| i 1010 | dna-bi-um pa-qid (erasure) ki-iš-šá-ti iš-ru-uk-ša šu-ka-ma |
| i 1111 | d⸢ŠEŠ.KI⸣ DUMU ru-bé-e ú-ṣa-ab-ba-a nab-ni-it-su |
| i 1212 | dUTU-ši nu-úr ì-lí ir-i-am re-é-ut-su |
| i 1313 | ba-ʾu-la-a-ti ú-še-ši-ib qí-bi-tu-uš-šu |
| i 1414 | dèr-ra-gal ga-aš-ru DINGIR.DINGIR iš-ru-uk-ša du-un-num |
| i 1515 | dza-ba₄-ba₄ mu-ut-ta-al-lum ú-ma-ša ú-ša-ag-mi-ir-šu |
| i 1616 | dnusku da-pi-nu ú-za-ʾi-in-šu me-lam-mi LUGAL-ú-tu |
| i 1717 | a-na ú-ʾu-úr ṭè-e-mu ša-ka-ni₇ ši-tul-tum ù pa-ra-as ár-kát i-tur še-du-uš-šu |
| i 1818 | a-na mu-er-ru-ti-šu e-pé-šu DINGIR.DINGIR GAL.GAL ú-šá-li-ku re-ṣu-su |
| i 1919 | i-nu-šu dna-bi-um-na-ʾi-id LUGAL TIN.TIR.KI ru-bu-um na-a-dam |
| i 2020 | re-é-a-am it-pe-šu pa-li-iḫ DINGIR.DINGIR GAL.GAL |
| i 2121 | GÌR.NÍTA za-ni-nu ša a-na ṭè-e-mu DINGIR.DINGIR pu-tuq-qu |
| i 2222 | ša u₄-mi-ša-am-ma iš-te* (text NA) né-eʾ-ú aš-rat DINGIR.MEŠ ù dIŠ.TAR |
| i 2323 | DUMU mdna-bi-um-TIN-su-iq-bi NUN e-em-qá a-na-ku |
| i 2424 | e-nu-ma dAMAR.UTU EN GAL-ú a-na be-lu-tì ma-a-ti im-bu-ù ni-bi-tì |
| i 2525 | mar ru-bé-e dna-bi-um zi-ik-ru šar-ru-ti-ia ú-šar-bu-ù |
| i 2626 | u₄-mi-ša-am-ma a-ta-mi pu-lu-úḫ-tì i-lu-ti-šu-un |
| i 2727 | ka-a-a-nam aš-te-né-e ša e-li-šu-nu ṭa-a-bu |
| i 2828 | a-na é-sag-íl ù é-zi-da šu-tu-ra-ku zi-in-na-a-tim |
| i 2929 | re-eš im-mi-ma-a-a dam-qa ú-še-er-re-eb ma-ḫa-ar-šu-un |
| i 3030 | gi-na-a la na-par-<ka>-a aš-te-né-eʾ-a aš-ri-šu-un |
| i 3131 | ma-ḫa-zi-šu-nu ra-bu-tim a-na ta-na-da-a-ta aš-ták-ka-an |
| i 3232 | ú-šar-bi zi-ik-ra-<šú>-nu in a-pa₁₂-ta-áš da-ád-me |
| i 3333 | a-na dUTU DI.KU₅.GAL DINGIR ša-qu-ú EN ZIMBIR.KI é-babbar-ra ki-iṣ-ṣi* (text: AD) KÙ |
| i 3434 | šu-bat-sa reš-ti-ti ša ma-na-ma šar-ri maḫ-ri la ú-kal-li-mu te-me-en-šú |
| i 3535 | e-pé-eš-su dUTU EN GAL-ú ú-qá-an-ni-ma |
| i 3636 | e-li te-me-en-na šá na-ra-am-dEN.ZU ú-ki-in uš-šu*-šu* (text: BA-MA) |
| Column ii | |
| ii 1ii 1 | ša BÀD u₄-gal-a-má-ru₁₀ BÀD GÚ.DU₈.A.KI ul-la-a re*-ši-šu* |
| ii 22 | BÀD me-lem₄-kur-kur-ra-dul-la BÀD kiš.KI ú-za-aq-qí-ir ḫur-sa-ni-iš |
| ii 33 | a-na duraš EN <ga>-aš-ru É á-ki-tu₄ ta-ap-šu-uḫ-ti-šu |
| ii 44 | ki-ma la-bi-ri-im-ma e-eš-ši-iš e-pú-uš |
| ii 55 | ša URU.ú-ba-as-si DAL.BA.AN.NA KÁ.DINGIR.RA.KI ù BÁR.ŠID.KI |
| ii 66 | i-na ESIR.UD.DU.A ù a-gur-ru re-e-ši-šu ul-li-ma |
| ii 77 | dna-na-a diš-tar šu-úr-bi-tum ú-še-ri-ib ki-iṣ-ṣu-uš-šu |
| ii 88 | a-na d30 EN GAL-ú a-ši-ib é-kiš-nu-gál šá qé-reb úri.KI |
| ii 99 | sa-at-tuk-ki-šu ú-ṭa-aḫ-ḫi-id-ma ú-šar-ri-ḫu ni-id-bé-e-šú |
| ii 1010 | <aš>-te-né-eʾ-e-ma aš-ri-šu a-ba-lu be-lu-ut-su |
| ii 1111 | a-na e-ri-iš-ti i-ri-ša-an-ni ap-làḫ at-ta-ʾi-id-ma |
| ii 1212 | e-ri-iš-ta-šu la ak-la-am-ma am-gu-ru qí-bit-su |
| ii 1313 | DUMU.MUNUS ṣi-it lìb-bi-ia a-na e-nu-tim áš-ši-ma en-níg-al-di-dNANNA šum-šú am-bé-e-ma |
| ii 1414 | a-na é-gi₆-pàr ú-še-ri-ib a-na ma-ḫa-zi DINGIR.DINGIR GAL.GAL |
| ii 1515 | ka-li-šu-nu za-na-nu na-ša* (text: ŠU) an-ni lìb-bi |
| ii 1616 | i-nu-šu a-na dlugal-már-da qar-ra-du mu-ut-ta-al-lum |
| ii 1717 | eṭ-lu-um mu-ut-le-él-lu-ú šá da-na-num šu-uk-lu-lu |
| ii 1818 | u₄-um ez-zi šá la im-maḫ-ḫa-ru qá-bal-šu |
| ii 1919 | ra-ḫi-iṣ KUR nu-kúr-ti ša-lil KUR a-a-bi a-ši-ib é-igi-kalam-ma* (text: ŠU) |
| ii 2020 | be-lí-ia at-ta-ʾi-id-ma GIŠ.GIGIR ru-ku-bu i-lu-ti-šu |
| ii 2121 | sì-ma-at qar-ra-du-ti-šu (erasure) ša-li-la-at KUR a-a-bi |
| ii 2222 | <ša> a-na ta-ḫa-zi šu-lu-ka-at ša iš-tu UD.MEŠ ru-qu-tú |
| ii 2323 | šar-ri maḫ-ri la i-pú-šu i-na <<I>> te-me-en é-igi-kalam-ma |
| ii 2424 | NA₄.MEŠ ti-iq-ni-šu ù ú-nu-ut-su in-na-mir-ma GIŠ.GIGIR šu-a-ti |
| ii 2525 | ⸢e⸣-eš-ši-iš ab-ni i-na KÙ.BABBAR <eb>-bi KÙ.GI nam-ri ù ni-sì-iq-tì* (text: IN) NA₄.MEŠ |
| ii 2626 | ra-biš ú-za-ʾi-in-šu-ma a-na maḫ-ri-šu ú-še-ri-ib |
| ii 2727 | é-igi-kalam-ma É-su šá LUGAL maḫ-ri i-pú-šu-ma ul-lu-ú re-e-ši-šu |
| ii 2828 | i-ga-ri ki-di-šú la ú-šá-as-ḫi-ru-ma la ú-dan-ni-in ma-aṣ-ṣar-tu-uš |
| ii 2929 | a-šar-šu na-di-ma la ru-uk-ku-su sip-pe-e-šu e-pe-ri-šu |
| ii 3030 | qa-a-a-pu-ti ad-ka te-me-en-šu la-bí-ra a-ḫi-iṭ ab-re-e-ma |
| ii 3131 | e-li te-me-en-ni-šu ú-kin uš-šu-šu BÀD-šu ab-ni-ma |
| ii 3232 | ma-aṣ-ṣar-ta-ša ú-dan-ni-in e-eš-ši-iš e-pú-uš-ma ul-la-a re-e-ši-šu |
| ii 3333 | dlugal-már-da EN šur-bu-ú UR.SAG mug-da-aš-ri a-na É šu-a-ti |
| ii 3434 | ḫa-di-iš i-na e-re-bi-ka mim-mu-ú e-te-ep-pu-uš ḫa*-diš* (text: KÙ.BABBAR) in nap* (text: ŠÁ) lu-si-ka |
| ii 3535 | in ma-ḫa-ar dAMAR.UTU LUGAL AN ù KI u₄-mi-šam-ma at-ma-a SIG₅-tim |
| ii 3636 | li-ri-ku UD.MEŠ TIN-ia lu-uš-ba-a lit-tu-tu i-na GIŠ.TUKUL.MEŠ-<ka> ez-zu-tim |
| ii 3737 | šu-um-qí-tu a-a-bi-ia ḫu-ul-li-iq gim-ra-at ga-ri-ia |