IM 055296 (Nabonidus 15, ex. 01) [Nabonidus][via ribo/sources]

^dna-bi-um-na-ʾi-id LUGAL TIN.TIR.KI

ru-bu-ú na-a-du ni-bi-it ^dAMAR.UTU

za-ni-in é-sag-íl ù é-zi-da

mu-ṭa-aḫ-ḫi-du sa-at-tuk-ki

iš-šak-ku ṣi-i-ri pa-qid gi-mir É.KUR

ša-ak-ka-na-ak-ka za-ni-nu

mu-uš-pa-ar-zi-ḫu ⸢eš-re-e-ti⸣

re-é-a-am [mu-uš-ta-lu]

mu-uš-te-ši-ru ni-⸢ši⸣ [ma-a-ti]

ša ^dAMAR.UTU IGI.GÁL DINGIR.MEŠ ⸢mu⸣-[...]

na-ap-ḫa-ar ⸢KUR⸣.KUR ⸢ka⸣-[li-ši-na]

šu-um-šu ki-ni-iš ⸢iz⸣-[ku-ru a-na LUGAL-ú-ti]

^dna-bi-um pa-qí-⸢du⸣ [ki-iš-ša-at]

ša-mé-e [ù er-ṣe-tim]

i-na ku-ul-la-at ⸢a⸣-[šib BÁRA.MEŠ]

ú-ša-áš-qu-ú [be-lu-ut-su]

^dNÈ.ERI₁₁.GAL da-⸢an⸣-[da-an-nu]

^dEN.LÍL er-ṣe-tum ⸢mu⸣-[un-dal-ku]

⸢i⸣-na ša-aš-mu da-⸢an⸣-[ni]

⸢il⸣-li-ku ⸢i⸣-da-⸢a-šú⸣

^dEN.ZU ù ^dnin-gal

⸢a⸣-ge-e du^*-úr UD.MEŠ

⸢i⸣-pi-ri ra-šu-uš-šu

^dUTU ù ^da-a

ṭu-da-at mi-ša-ri ú-pa-at-tu-šu

DINGIR.MEŠ GAL.GAL i-na ku-ú-nu lìb-bi-šú-nu

ra-bí-iš ik-ru-bu-šu

i-na ki-ib-ra-a-ta er-bé-et-ti

ú-ša-ar-bu-ú be-lu-ut-su

ku-ul-la-at da-ád-me

a-na qí-bi-ti-šu ú-še-ši-bu

⸢za⸣-na-nu ma-ḫa-zi

⸢ù⸣ ud-du-šú eš-re-e-ti i-ši-mu ši-mat-su

DUMU ^mdna-bi-um-ba-la-at-su-iq-bi

ru-bu-ú e-em-qu a-na-ku

i-nu-šu é-⸢amaš⸣-kù-ga

É ^dnin-gal be-let gi-mi-ir el-le-ti

su-pu-ru e-⸢el⸣-li

ša qé-er-ba URU.KISIG^*.KI

ša i-na la-ba-ri i-ni-šu

i-qu-pu i-ga-ru-šu

i-ga-ru-⸢šu⸣ [qa-a-a-pu-ti]

ša i-ni-⸢šu⸣ [ad-ka-a-ma]

te-em-me-⸢en⸣-[šu la-bi-ra]

a-ḫi-⸢iṭ⸣ [ab-re-e-ma]

e-⸢li⸣ [te-em-me-ni-šu la-bi-ri]

ú-⸢ki⸣-[in li-ib-na-at-su]

šu-⸢um^?⸣ [...]

i-nu-[šú ...]

ú-⸢qá⸣-[a-an-ni-ma ...]

i-na [...]

PAT ⸢TE⸣ [...]

^d[nin-gal ...]

⸢be⸣-[let gi-mi-ir^? el-le-tú^?]

[...]

x [...]

i-na é-[amaš-kù-ga]

ša qé-er-ba [URU.KISIG.KI]

e-el-ṣi-⸢iš⸣ [i-na a-šá-bi-ki]

⸢dam⸣-qa-a-ta ⸢^d⸣[na-bi-um-na-ʾi-id]

šar^*-ri [za-ni-ni-ki]

e-pí^*-iš [ku-um-mi-ki]

at-mé-e [ud-da-kam]

u₄-me-šam-ma [ma-ḫa-ar]

^dEN.ZU [...]

na-ar-[mi-ki]

e-ép-še-[ti-ia]

⸢šu⸣-um-[gi-ri]

qí-bi ⸢du⸣-[um-qí-ia]