MMA 86.11.281 (Nabonidus 28, ex. 50) [Nabonidus][via ribo/sources]

[...] x

[...] x

[...] x

[...] x

[...]-⸢in^?⸣-ma

[...] x

[...] x

[...] x

[...] x

[...]

[...] x

[...]-⸢šu^?⸣

[...]-⸢bi⸣-ka

[...] ⸢šap⸣-tuk-ku

[...]-⸢tim⸣

[...]-⸢ia⸣

[...] ⸢30^*⸣

[...]-⸢tum⸣

i-na ITI.DU₆ i-na ⸢ITI⸣ ša-al-mu i-na u₄-mi ŠE.GA

⸢šá⸣ i-na bi-ri ú-⸢ad⸣-du-ni ^dUTU ù ^dIŠKUR i-na KÙ.BABBAR KÙ.GI

⸢NA₄⸣ ni-siq-ti šu-qu-⸢ru⸣-tu ḫi-bì-iš-ti GIŠ.TIR

ŠIM.ḪI.A GIŠ.⸢EREN⸣ i-na ḫi-da-a-ti ù ri-ša-a-⸢ti⸣ <<U>>

⸢e⸣-li te-me-en-⸢na⸣ ^m⸢na⸣-ra-am-^dEN.ZU DUMU ^mLUGAL-GI.NA

⸢ŠU⸣.SI la a-ṣe-e ŠU.SI la e-re-bu

ú-ki-in ⸢li⸣-ib-na-at-su

5 LIM GIŠ.EREN dan-nu-ti a-na ⸢ṣu⸣-lu-li-šú ú-šat-ri-iṣ

GIŠ.IG.MEŠ GIŠ.EREN ṣi-ra-⸢a⸣-ti as-kup-pu ù nu-ku-še-e

i-na KÁ.MEŠ-šu ú-ra-at-ti

é-babbar-ra a-di é-kun₄-an-kù-ga ziq-qur-ra-ti-šú

e-eš-ši-iš e-pu-uš-ma ú-⸢šak⸣-lil ši-pí-ir-šu

qá-ti ^dUTU EN-ia aṣ-bat-ma i-na ḫi-da-a-ti ù ri-ša-⸢a-ti⸣

šu-ba-at ṭu-ub lìb-bi qé-er-ba-šu ú-še-ši-ib

ši-ṭi-ir šu-mi ša ^mna-ra-am-^dEN.ZU DUMU ^mLUGAL-GI.NA a-⸢mur-ma⸣

la ú-nak-ki-ir Ì.GIŠ ap-šu-uš UDU.SÍSKUR aq-qí

it-ti mu-sa-re-e-a áš-ku-un-ma ú-te^* (text: KI) er áš-ru-uš-šu

^dUTU EN GAL ša AN-e ù KI-tim nu-ú-ru DINGIR.MEŠ AD.MEŠ-šu

ṣi-it lìb-bi ša ^dEN.ZU ù ^dnin-gal

⸢a⸣-na é-babbar-ra É na-ra-mi-ka i-na e-re-bi-⸢ka⸣

⸢BÁRA⸣-ka da-ru-ú i-na ra-mé-e-⸢ka⸣

ia-ti ^dAG-NÍ.⸢TUKU⸣ LUGAL TIN.TIR.KI ru-bu-ú za-nin-⸢ka⸣

mu-ṭi-ib lìb-bi-ka e-pí-iš ku-um-mi-ka ṣi-i-ri

ép-še-tu-ú-a SIG₅.MEŠ ⸢ḫa⸣-di-iš na-ap-li-is-⸢ma⸣

u₄-mi-šam i-na ni-ip-ḫi ù ri-ba i-na ša-ma-mi ù qaq-qa-ri

⸢du⸣-um-mi-iq it-ta-tu-ú-a un-nin-ni-ia le-qé-e-ma

[x]-⸢gu⸣-ur ta-aṣ-li-ti GIŠ.NÍG.GIDRU ù ši-bir-ri ki-i-nim

[x] ⸢tu⸣-šat-mi-ḫa qa-tu-ú-a lu-bé-el a-na du-ur da-a-ri

[x x] ⸢^da⸣-nu-ni-tum be-let ta-ḫa-za na-šá-⸢a-ta GIŠ.PAN ù iš⸣-pa-ta

[x x]-li-ma-at qí-bit ^dEN.LÍL a-bi-šu

[x]-⸢pi⸣-na-at nak^* (text: IŠ) ri mu-ḫal-li-qa-at ra-ag-ga

⸢a⸣-li-ka-at ma-aḫ-ri ša DINGIR.DINGIR

⸢ša⸣ i-na ^dUTU.È ù ^dUTU.ŠÚ.A ú-⸢dam-ma⸣-qu it-ta-tu-ú-a

é-ul-maš É-su šá i-na ⸢ZIMBIR.KI-^da⸣-nu-ni-tum

ša 8 ME MU.AN.NA.MEŠ ul-tu pa-ni ^mšà-ga-rak-ti-šur^* (text: BUR) ia-áš

LUGAL TIN.⸢TIR⸣.KI DUMU ^mNÍG.GUB-^dEN.LÍL LUGAL ma-na-⸢ma⸣ la i-pu-šu

te-me-⸢en⸣-šu la-bi-ri aḫ-ṭu-uṭ-ma a-ḫi-iṭ ab-⸢re⸣-e-ma

⸢e⸣-li te-me^* (text: AŠ) en-na šá ^mšà-ga-rak-⸢ti⸣-šur^* (text: BUR) ia-áš DUMU ^mNÍG.GUB-^dEN.LÍL

⸢uš⸣-šu-šu ad-di-ma ú-ki-in lib-na-at^* (text: SI) su

⸢É⸣ šá-a-šu e-eš-ši-iš e-pú-uš-ma ú-šak-lil ši-pí-⸢ir-šu⸣

⸢^d⸣a-nu-ni-tum GAŠAN MÈ mu-šal-⸢li⸣-mat qí-bit ^dEN.LÍL a-bi-⸢šu⸣

⸢sa⸣-pi-na-at na-ak-ru mu-ḫal-li-qa-at rag-gu

⸢a-li⸣-ka-at maḫ-ri ša DINGIR.DINGIR ú-šar-ma-a šu-bat-su

sat-⸢tuk-ku ù⸣ nin-da-bé-e e-li ša maḫ-ri

⸢ú⸣-ša-te₉-⸢er⸣-ma ú-⸢ki⸣-in ma-ḫar-šu

at-ta ^da-nu-⸢ni⸣-tum be-⸢el-ti GAL-ti⸣ a-na É šá-a-šu ḫa-di-iš

i-na e-⸢re⸣-bi-ka e-ep-še-tu-ú-a

⸢da⸣-am-qá-a-ti ḫa-di-⸢iš⸣ na-ap-li-si-ma

⸢ar⸣-ḫi-⸢šam⸣-ma i-na ^dUTU.È ù ^dUTU.ŠÚ.A

[x]-⸢na ^dEN.ZU a-bi a⸣-li-di-ka šu-uq-ri-bi SIG₅-tì

[x x] ⸢at-ta ša⸣ ^dEN.ZU ù ⸢^dUTU⸣

[...]-⸢ú⸣-ti i-nam-⸢bu-šu⸣-ma

[...]-⸢le-e⸣-šu ⸢É⸣ šu-a-tim

[...]-⸢ma⸣ e-⸢eš⸣-ši-iš ip-pu-šu

[...]-⸢ú⸣ ši-ṭi-ir šu-mi-ia

[x]-⸢mur⸣-ma (erasure) la ú-⸢nak-ka⸣-ar

[x x] ⸢lip⸣-šu-uš^* UDU.SÍSKUR li-iq-qu

[x x] ⸢mu-sa⸣-re-e ši-ṭi-ir šu-mi-šu

[x x]-⸢ku⸣-un-ma lu-te-er áš-ru-uš-šu

[x x] ⸢ù⸣ ^da-nu-ni-tum su-pu-ú-<šu> liš-mu-ú

[x]-im-gu-ru qí-bit-su

[x]-⸢da-a⸣-šu li-il-li-ku li-šam-qí-tu ga-ri-šu

[x x]-⸢šam a-na ^dEN.ZU^* (text: BI) a-bi ba-ni-šu⸣-un

[x x]-⸢iq⸣-ta-šu liq-⸢bu-ú⸣