Ludlul 4

[be]-⸢li₂⸣ [u₂-pa]-aš₂-ši-⸢ḫa⸣-an-ni

[be]-⸢li₂⸣ u₂-ṣa-am-mi-da-an-ni

[be]-⸢li₂⸣ u₂-pa-ṭi-ra-an-ni

[be]-⸢li₂⸣ u₂-bal-liṭ-an-ni

[ina ḫaš]-⸢ti⸣ e-kim-an-ni

[x x x i]-⸢si⸣-pa-an-⸢ni⸣

[ina ka-ra]-še-e id-⸢ka⸣-an-ni

[x x x] ina ḫu-bur iš-du-da-an-ni

[x x x]-ti qa-ti iṣ-bat

[ša₂] im-ḫa-ṣa-an-ni

^dAMAR.UTU u₂-ša₂-qi re-e-ši

⸢im-ḫa⸣-aṣ rit-ti ma-ḫi-ṣi-ia

⸢u₂-šad⸣-di GIŠ.TUKUL-šu [^dAMAR].UTU

i-na pi-i gir-ri a-kil^*-ia

id-di nap-sa-ma ^dAMAR.UTU

^dAMAR.UTU ša₂ mu-kaš-ši-di-ia

i-kim as-⸢pa⸣-šu₂ as-suk-ka-šu₂ u₂-saḫ-ḫir₂

id-⸢di⸣ [x x x x x x x x x x] bir

x [x x x x x x x] x i-na-an-na

[x x x x x x x x x] x tum x ru

[x x x x x] x i-⸢kim^*?⸣

[x x x x x]-⸢di^*⸣ ṣur-ri

[x x x x x] x u₂-šak-⸢lu⸣

[x x x x x] u₂-ma-al-⸢li⸣

[x x x x] x li ⸢x⸣ [x]

[x x] E₂ URU [x i]-⸢le⸣-qa-⸢an⸣-[ni]

[x x x x]-maḫ-ri u-še-ri-ba-an-⸢ni⸣

[x x] iš a a [x x] x-⸢šu₂⸣ ^dAMAR.UTU

⸢uš⸣ x x di ti [x] ⸢u₂⸣-kaš-šu₂ ^dzar-pa-⸢ni⸣-[tum]

lu man-nu be-lum ⸢u₂⸣-maš-ši-ra-an-⸢ni⸣

na-piš-tu₂ ar-ḫiš lik-te-li-ma-an-⸢ni⸣

a-na ir-kal-la la ur₅-ra-ad-an-[ni]

e-ṭe₄-mu-tu at-ta-lak-an-⸢ni⸣

lu man-nu ^dAMAR.UTU i-zib-ba-an-⸢ni⸣

a-na UZU a-sak-ki am-ma-an-niš-[šu₂]

šal-lam-ta NIM.MA at-ta-lak ma-[ḫar^?-šu₂^?]

i-na me-es-se-e ma-le-e ⸢u₂⸣-x [x x]

ri-im-ki te-diš-tum u₃ i-tab-x [x x]

ši-ip-ra-ma ša₂ ina tes₂-li-ti iš-mu-⸢u₂⸣ [x x x]

a-na la-ban ap-pi u ut-nen-ni a-na E₂.SAG.⸢IL₂⸣ [x x]

ša₂ a-ri-du qab-ri a-tu-ra ana ka₂—^d⸢utu⸣—[e₃] e-te-ru-ub

[ina] ka₂—ḫe₂.gal₂ ḫe₂-gal₂-la in-⸢ni⸣-[x x x]

[ina] ka₂—^dlamma—ra.bi la-mas-si iṭ-ṭe-ḫa-[an^*-ni]

[ina] ka₂—silim.ma šul-ma-na ap-pa-⸢lis⸣

[ina] ka₂—nam.ti.la ba-la-ṭu am-ma-ḫi-ir

⸢ina⸣ ka₂—^dutu—e₃.a it-ti bal-ṭu-ti am-ma-ni

ina ka₂—u₆.de—babbar.ra id-da-tu-u₂-a im-me-ra

ina ka₂—nam.tag.ga—duḫ.a eʾ-il-ti ip-pa-ṭir

ina ka₂—ka.tar.ra iš-ta-la pi-ia

ina ka₂—a.še.er—duḫ.u₃.da up-ta-ṭa-ra ta-ni-ḫi

ina ka₂—a—sikil.la me-e te-lil-te as-sa-li-iḫ

ina ka₂—silim.ma it-ti ^dAMAR.UTU an-na-mir

ina ka₂—ḫi.li—su₃ še-ep ^dzar-pa-ni-tum an-na-šiq

ina su-pe-e u₃ te-me-qi₂ ma-ḫar-šu₂-nu u₂-tan-nin

qut-rin-na ṭa-bu-u₂-ti ma-ḫar-šu-nu u₂-ša₂-aṣ-li

u₂-šam-ḫir ir-ba ṭa-aʾ-ti ⸢IGI⸣.SA₂ e-ta-an-du-te

u₂-pal-liq le-e ma-re-e uṭ-ṭab-bi-iḫ šap-ṭi

at-ta-naq-qi ku-ru-un-nu du-uš-šu-pa₂ GEŠTIN ⸢el₂⸣-lu

⸢^d⸣ALAD ^dLAMMA AN.GUB.BA.MEŠ li-bit E₂.SAG.⸢IL₂^*⸣

[ina] tam-qi-ti ka-bat-ta-⸢šu₂-un⸣ uš-par-di

[ina ma-ka]-⸢le⸣-e de-eš-šu-ti ⸢lib-ba-šu₂-un u₂-ša₂-li-iṣ⸣

[sip-pu ši]-gar-ri me-di-il GIŠ.IG.MEŠ

[as]-⸢luḫ⸣ el-la ḫi-ma-⸢tu₂ ṭuḫ-di⸣ aš₂-na-an

[a-na E₂]-zi-da ⸢me₂⸣-e GARZA E₂

[x x x x x x x x x x x x] x

[x x x x] x ⸢ti^*⸣ [x x x x x x x]

[x] x aš₂-na-an ⸢ru-uš-ša₂-a⸣ [x x x x x x]

⸢ul⸣-tap-pit ḫa-šur-ri DUG₃.GA UGU-šu₂^* x [x x]

[qe₂]-re-e-ti DUMU KA₂.DINGIR.RA.KI mu-x [x x x x]

E₂ qe₂-be₂-ri-šu e-pu-šu ina qe₂-re-e-⸢ti⸣ [x x]

i-mu-ru-ma (DUMU) KA₂.DINGIR.RA.KI ki-i u₂-bal-la-ṭu [^dAMAR.UTU]

pa-a-tu DU₃-ši-na u₂-ša₂-pa-a nar-be₂-e-[šu₂]

man-nu-um-ma iq-bi a-mar ^dUTU-ši-šu₂

ina ŠA₃-bi man-ni ib-ba-ši e-te-eq SILA-šu₂

ša₂ la ^dAMAR.UTU man-nu mi-tu-ta-šu₂ u₂-bal-liṭ

e-la ^dE₄.RU₆ ^diš-tar-tum a-a-i-tum i-qi₂-ša₂ nap-šat-su

^dAMAR.UTU ina qab-ri bul-lu-ṭa i-le-ʾi

^dzar-pa-ni-tum ina ka-ra-še-e e-ṭe-ra am-rat

e-ma šak-na-at KI-tim rit-pa-šu AN-e

^dUTU-šu₂ uš-tap-pa-a ^dBIL.GI in-nap-ḫu

mu-u₂ il-la-ku i-zi-qu ša₂-a-⸢ru^*⸣

šu-ut ^da-ru-ru ik-ru-ṣu ki-ri-is-si-in

⸢ša₂⸣-ki-it-tu nap-ša₂-tu pe-ta-a pu-ri-du

[a-pa]-a-tum ma-la ba-ša₂-a ^dAMAR.UTU dul-la

[aš₂-šu₂] a-ta-pul [DU₃-ši-na] šu-ut pa-a ⸢kun⸣-[na]

[x x x x] x [x x x] ⸢kal⸣ UN.MEŠ li-bel-ma

[x x x x x x x] ⸢re⸣-ʾi kal da-⸢ad₂⸣-[me]

[x x x x x x x x] x E₄.LA₆.MEŠ ina ⸢nag⸣-be

[x x x x x x x pa]-rak DINGIR.MEŠ x x [x] x

[x x x x x x x x] si-ḫi-ip AN-e ⸢u₃⸣ [KI-tim]

[x x x x x x x x] x ri-iṣ-ṣa x x [x]

[x x x x x x x x] ši zu nu šu₂ šu₂ šu₂

[x x x x x x x x x] ⸢UD^?-šu₂⸣

[x x x x x x]-⸢tum⸣ i-tu^*?-ru URU-šu₂

[x x x x x].MEŠ ṣal-mat qa₃-qa-du x x x x x

[x x x x]-li zar-[pa]-⸢ni^?⸣-tum re-e-mu ša₂ ^dAMAR.UTU

[^mna-zi]-muru-taš u E.KI x x x x

[x x x x x^*-x^*]-uš li^*-li^*-is₃^* SIG₅-tim^*?

[x x x x ki]-⸢ma⸣ le-e KUR liš-pu

[x x x x]-si-tu₂ AN-e li-tur^*-šu₂^*?

[x x x] ⸢x⸣ x ni-iz-mat-su

[x x x] UGU ba-ʾu-u₂-la-ti-šu₂

[x x x] ⸢^m⸣šub-ši—meš-ra—GIR₃-an

[x x šu]-me-ri u URI.KI mu-ma-ʾi-ir ma-a-tum

[ša₂ ma-ru]-⸢uš⸣-tu₂ i-mu-ru li-pa-ṭir a-ra-an-šu₂

[x x x ma]-⸢na^*⸣-aḫ-ta-šu₂ liš-tap-šiḫ

[x x ^d]15-šu₂ li-kab-bit-su

[x x x x x]-im šul-ma-niš

[x x x x DINGIR]-šu₂ li-kab-bit-su

[x x x x] ⸢li⸣-ba-aʾ UD-mi-⸢šam⸣

[x x x] ⸢ša₂⸣ ^mšub-ši—meš-ra-a—^dGIR₃

[x x x x] ⸢ta⸣-nit-ta-ka ṭa-bat